الكلام عن تجربتى ف الكتابه

مش عارف ايه اللى هف عليه انى اتكلم عن تجربتى مع الكتابه زى الكبار (الكبار ف السن طبعا)واخدين بالكم

جايز عشان انا ماعدش جوايا حاجه اكتبها

اول مره احس انى من جوه ابيااااااااااااااااااااااااااض كده

والله مافيه حاجه جوايا خالص

مش عارف

النهارده اصلا يوم غريب قصدى امبارح

ايام بنت ....شبه بعضها

طبقت بتفرج على افلام هندى والله

الدش عقبال املتكوا جايب قناه كلها افلام هندى

انا اقنعت نفسى انى بتعرف على تجربة الهنود ف السينما

انما الحقيقه انى اتثبت تثبيته من نار

اتشليت

وواضح انى لسه بعانى من تأثير التطبيقه دى

المهم انى وصلت انى هاخلى البلوج ده كلام عن تجربتى

مع الكتابه

لان تقريبا ماعدش فيه كتابه

اه نسيت اقول انى بالاساس شاعر عاميه

وده كان تعريفى عن نفسى لحد وقت قصير

فجأه نسيت

نسيت ايه مش فاكر

هوه انا كنت بحس بأيه فاكتب؟

بفكر ف ايه

تقريبا من اول ما ابتديت اشك ف جدوى الموضوع وانا كده

خايف بجد لابطل كتابه

اللى ماقروش ليه حاجه هايقولو يا بنى ما تبطل ولا تكتب انت هاتصدعنا ليه

يعنى فؤاد حداد بروح امك

- واللى قروا غالباهيكون رأيهم مش بعيد عن السكه دى-

كل اللى اعرفه انى بتغير وخايف

والايام بتتسرق والله

مش كلام

طب والله بتتسرق

على العموم دى كانت الحلقه الاولى